“По извесно време неговата жена Елисавета забремени, но бременоста ја прикриваше цели пет месеци и велеше: „Најпосле ја добив Господовата благонаклоност, кога реши да се смилува и да го симне срамот од мене!“ По шест месеци, Бог го испрати ангелот Гаврил во галилејскиот град Назарет, кај една девица по име Марија која му беше свршеница на Јосиф, потомок на царот Давид. Доаѓајќи кај неа, ангелот и рече: „Радувај се, зашто си преблагословена и Господ е со тебе!“ Марија се исплаши кога ги чу овие зборови и почна да размислува за значењето на необичниот поздрав. Ангелот и рече: „Не плаши се, Марија, Бог ти е благонаклонет! Ти ќе забремениш, ќе родиш Син и ќе Му дадеш име Исус. Тој ќе биде велик и ќе биде наречен Син на Севишниот. Господ Бог ќе Му го даде Нему престолот од Неговиот предок, царот Давид. Тој вечно ќе владее меѓу потомците на Јаков и Неговото царство ќе нема крај.“ Тогаш Марија му рече на ангелот: „Како ќе родам дете, кога јас сум девица!?“ Ангелот и одговори: „Преку Светиот Дух, Кој ќе слезе, ќе те исполни и силата на Севишниот ќе се спушти врз тебе. Затоа и Детето што ќе го родиш ќе биде свето и ќе биде наречено Божји Син. Еве, и твојата роднина Елисавета забремени, иако е веќе во поодминати години. Ја нарекуваа неротка, а еве, таа е сега во шестиот месец на бременост, зашто, за Бог нема невозможни нешта! Тогаш Марија му рече: „Јас Му стојам на услуга на Господ; нека се исполни со мене она што го кажа ти.“ По ова, ангелот си замина.“ Евангелие по Лука 1:24-38
 
Христовото раѓање претставува камен темелник на новата ера, настан кој е обвиен со мистика и неразбирање, настан кој е најмалку разбран во неговата суштина и настан кој низ вековите побудува сериозни полемики и разногласие. Но, истовремено и настан кој за многумина е вистинска светлина во мракот од непознавање на причините и целта на сопственото постоење. Настан кој е надеж за...

повеќе »